Van Nistelrooy dy muaj jashtë fushe

Sulmuesi i Real Madridit, Ruud van Nistelrooy, do të qëndrojë dy muaj jashtë fushe për shkak të lëndimit në kofshë.
Holandezi pësoi lëndim derisa shënoi golin e tij të parë këtë sezon në fitoren e thellë prej 5-0 të Real Madridit ndaj Xerez të dielën.

Kjo është një dëshpërim i madh për Van Nistelrooy, pasi bëri një rikthim të suksesshëm pas lëndimit të tij të fundit që e la atë jashtë për nëntë muaj.

Sulmuesi pritet të mungojë në 12 takimet e radhës për Realin.