Ingrid Gjoni nuk është gati për dashuri

Këngëtarja nga Shqipëria, Ingrid Gjoni, thotë se ende nuk është gati për të filluar një dashuri të re.
Në një intervistë dhënë për “Shekulli”, e pyetur nëse ka ndonjë të re nga jeta e saj romantike, duke llogaritur angazhimet e mëdha, Ingridi është përgjigjur: “Jo, akoma nuk jam gati”.

Por me gjithë angazhimet nëpër shumë koncerte anekënd Shqipërisë dhe jashtë, Ingridi nuk e konsideron veten këngëtare të pasur.

“Pas kaq shumë koncerteve, impakti i parë duket kush e di se çfarë, por nuk është ashtu. Jetoj mirë. Jetoj me kushtet e një njeriu që i ka arritur standardet maksimale, por jo për ta quajtur veten të pasur. Një njeri që i ka të gjithë kushtet për ta kaluar jetën mirë, kaq”, thotë këngëtarja.