kaltroshe Anëtarë
Zodiac : Chinese zodiac : Numri i postimeve : 56 Pikë : 163 Rrespekte : 1 Ditëlindja : 02/01/1990 i/e Regjistruar më : 31/08/2009 Mosha : 34 Vendndodhja : Macedonia Hobi : Student/Football Humori : Kafeneja jonë
| Titulli: Hoxhaj: Për herë të parë mësimi mbahet në dy ndërrime Thu Sep 10, 2009 11:00 pm | |
| Për herë të parë në Kosovë viti i ri shkollor fillon vetëm me dy ndërrime, pasi që tani janë krijuar kushte dhe hapësirë e mjaftueshme për nxënësit në të gjitha shkollat, ka thënë ministri i Arsimit, Shkencës dhe Teknologjisë Enver Hoxhaj para kabinetit qeveritar, duke njoftuar për fillimin e suksesshëm të vitit të ri shkollor. Ministri Hoxhaj ka theksuar se sot ka pasur një takim me drejtoritë komunale të arsimit nga të cilat është njoftuar për fillimin e vitit të ri shkollor dhe procesit mësimor në të gjitha shkollat e Kosovës.
“Procesi për herë të parë në Kosovë ndodh me dy ndërrime, meqë shkollat tona janë ballafaquar me mungesë të hapësirave shkollore. Është një lajm i mirë që orët e mësimit janë të rregullta dhe çështja e hapësirës shkollore tashmë është zgjidhur. Kemi marrë vendim që të gjithë nxënësit që regjistrohen në klasën e 10 të mos mbeten jashtë hapësirave shkollore”, ka thënë Hoxhaj.
Ai ka njoftuar kabinetin qeveritar për ecurinë e mirë për shpërndarjen e teksteve shkollore nëpër të gjitha shkollat, ndërkohë që ka thënë se sa i përket universitetit është marrë vendim që të rritet numri i studentëve të arsimit të lartë.
Ai ka vlerësuar se është për t’iu gëzuar lajmit që në Fakultetin e Edukimit ka kërkesë shumë të madhe për profesionin e mësimdhënësve.
Qeveria ka ndarë shumën prej 100 mijë eurosh për formimin e Komisionit për rishikimin e planprogrameve në gjuhën serbe, i cili parashihet edhe me Kushtetutën e Republikës së Kosovës. /rtv21/ | |
|